د. عادل الجبوري
صحفي وكاتب سياسي
اليوم تتعالى أصوات تطالب فئة معينة من العراقيين بالدفاع عن إيران، وتقدم الموضوع على أنه “واجب مقدس” ما يقبل النقاش.
لكن السؤال الحقيقي :
ليش دائماً التضحية تطلب من ناس ما مستفادين شي؟
وين أصحاب الامتيازات؟
وين اللي عاشوا سنوات طويلة على رواتب ومخصصات ضخمة من أموال الدولة، باسم النضال والتضحيات؟
إذا فعلاً القضية “مبدأ”…
فالأولى أن يبدأوا هم، مو غيرهم.
الحياة أخذ وعطاء…
واللي أخذ أكثر من هذا البلد، المفروض يكون أول من يرد له الجميل، مو يتفرج وينتظر غيره يتحمل العبء.
وهنا نتذكر رفحاء… مو كملف إنساني، بل كنموذج واضح لامتيازات استمرت لسنوات من أموال الشعب.
إذا اليوم أكو “واجب”،
فالمفروض أول ناس يلبون هم اللي استلموا أكثر.
اين الذين ادعوا انهم من السجناء السياسيين والمحكومين بالإعدام لماذا لايتطوعون دفاعا عن ايران اليوم
ليش ما نشوف خطوات حقيقية على الأرض؟
ليش ما يتشكل فوج من أصحاب الامتيازات يكون هو أول المتقدمين؟
ليش ما ينفتح باب تطوع واضح لهم قبل غيرهم؟
ليش ما تعلن أسماء من يثبت موقفه بالفعل، مو بالكلام؟
أما أن تبقى الدعوات موجهة دائماً للفقراء والبسطاء،
والامتيازات محفوظة لغيرهم…
فهذه مو عدالة، ولا حتى منطق.؟؟