د. عادل الجبوري
صحفي وكاتب سياسي
أذار/٢٠٢٦
إصبح العراق اليوم ساحة مفتوحة،
ملطشة لكل من هب ودب،
صواريخ تنطلق عليه من كل اتجاه،
والنار توصل لبيوت ناس ما لهم أي علاقة بهالصراعات.
لا هم طرف بحرب
ولا هم جزء من نزاع
لكنهم أول من يدفع الثمن…
أطفالنا يرتعبون
وعوائلنا تعيش القلق
وإحنا نسمع صوت الانفجار…
بس ما نسمع صوت دولتنا.
مو كل سكوت ضعف…
بس هم مو كل هذا الصمت يُفهم!
الغريب المؤلم،
إنه لو كانت المشكلة “دجاجة” بين عشيرتين،
كانت الدنيا قامت وما قعدت،
وكان السلاح حاضر والرد سريع.
بس اليوم…
وطن كامل ينتهك،
وشعب كامل يُهدد،
والرد؟
صمت… أو كلام خجول ما يشبه حجم الخطر.
إحنا مو دعاة حرب،
ولا نريد نجر بلدنا للدمار،
بس بنفس الوقت…
مو مستعدين نعيش بلا كرامة.
إحنا ما نريد بطل فرد
ولا نبحث عن استعراض قوة
إحنا نريد دولة…
دولة إذا انضرب بيت عراقي
يكون إلها موقف
وصوت
وقرار
دولة تحمينا
مو تخلينا نواجه مصيرنا وحدنا
لأن الكرامة
ما تنحفظ بالعشيرة
ولا بالصراخ
تنحفظ بدولة تعرف شلون تحمي شعبها ؟؟